വഴികൾ
വഴിയിൽ,പലകുറി മാറിയ വരയിൽ
വരകൾ മാറ്റി വരച്ചൊരു വഴിയിൽ
പുഴയിൽ,തണലിൽ,മഴയിൽ,വെയിലിൽ
വരകൾ പലകുറി മാറിയ വഴികൾ
കരളിൽ പൂട്ടി മുറുക്കിയ കഥകൾ
കനലിൽ കത്തിയ ചില കൈ പിടികൾ
കടലിൽ പെയ്തത് മഴയോ മിഴിയോ?
ദൂരെ കണ്ടത് കരയോ തിരയോ?
തണലിലൊളിപ്പിച്ചത് കാർമുകിലോ
തളരരുതെന്നു പറഞ്ഞൊരു വെയിലോ
വഴികൾ പലകുറി മാറിയ വഴിയിൽ
വരകൾ മായ്ച്ചത് നീയോ ഞാനോ?
വഴിയിൽ,പലകുറി മാറിയ വരയിൽ
വരകൾ മാറ്റി വരച്ചൊരു വഴിയിൽ
പുഴയിൽ,തണലിൽ,മഴയിൽ,വെയിലിൽ
വരകൾ പലകുറി മാറിയ വഴികൾ
